Hot Chocolate

مشروب الشيكولاتة الساخنة أو الهوت تشوكليت من أكثر المشروبات المحبوبة للكبار والأطفال 

والنهاردة بمناسبة احتفالنا بليلة رأس السنة هاقدم لكم وصفة الهوت تشوكليت 

وكل سنة وإنتم طيبين وبخير

المقادير

200 جرام شيكولاتة داكنة مرة مبشورة

100 جرام كاكاو غير محلى

100 جرام سكر بودرة

50 جرام نشا


للتحضير

كوب لبن 

للتقديم

كريمة مخفوقة

بشر برتقال

قرفة

مارشميللو

شيكولاتة مبشورة 

بابريكا حارة

الطريقة 

تخلط الشيكولاتة المبشورة مع الكاكاو والسكر البودرة والنشا واللبن البودرة وتحفظ في برطمان جاف في التلاجة لحين الاستخدام

للتحضير

يضاف كوب لبن إلى 2 ملعقة كبيرة من الخليط المحضر

يقلب اللبن والخليط حتى يتجانس ويرفع على النار حتى يغلي

يقدم في كوب وينكه بأي من النكهات السابقة 

Vitamin C Detox Water

مع بداية فصل الشتاء بتتزايد الإصابة بنزلات البرد واللي لازم نقاومها بفيتامين C ومهدئات السعال

وعشان كده طول الشتا مش بينقطع عندي لديتوكس ووتر الغني بفيتامين C

واللي ما يعرفش يعني إيه ديتوكس ووتر أقول له إن دي مياه طبيعية منكهة بمصادر طبيعية للفيتامينات أو الأحماض اللي بتساعد على تدعيم الجسم بمصادر طاقة و مهدئات أو حوارق للدهون 

والنهاردة هانعمل سوا الديتوكس ووتر الغنية بفيتامين C لمكافحة السعال ونزلات البرد 

واللي بتتكون من الماء وشرائح البرتقال وشرائح الفراولة وعيدان الروزماري

حيث أن البرتقال يعتبر من أهم مصادر فيتامين C الطبيعية 

 

الفراولة كمان مصدر مهم لفيتامين C

والروزماري بيهدي الكحة وبيساعد على توسيع الشعب الهوائية

تقطعم شرائح أو بالشكل اللي نحبه ونحطهم في دورق كبير ونملاه ماء نضيف ونسيبها لحد ما الماء ياخد طعم وفوائد الفاكهة ونشربه بشكل عادي وطبيعي طول النهار 

الدجاج المشوي بالحمص

لو بتحبوا اللمون والطعم المزز في الأكل أكيد هاتحبوا الوصفة دي

الدجاج المشوي بالحمص وصفة اتشديت لها من أول ما سمعت عنها أول مرة لأكتر من سبب 

أولا أنا بحب الحمص جدا وبضيفه لأكلات كتير 

ثانيا أنا بحب اللمون وطعمه المزز اللي بيدي الأكل مع الكسبرة الخضرا إحساس بالطزاجة والانتعاش 

ثالثا مين يقدر يقاوم الفراخ المشوية الطرية اللي بتدوب في البق 

للأسباب دي كلها بقدم النهاردة وصفة الدجاج المشوي بالحمص وأتمنى تعجبكم وتجربوها 

أول حاجة هانعرفها إزاي نفتح الدجاج بطريقة الفراشة أو الـ Butterfly Chicken 

أولا بمقص كبير نقطع العمود الفقري من الناحيتين

وبعدين نبدأ نشق الصدر 

ونقطع بالراحة حوالين عضمة الصدر 

ونخرجها بالشكل ده

وبعد ما نخلص قطع العمود الفقري وعضمة الصدر نقلب الفرخة ونضغط عليها بالشكل ده

 

وده هايكون شكلها في الآخر عشان نبدأ الشوي 

وده هايكون شكلها بعد ما تخرج من الفرن 

المقادير

دجاجة منظّف، مقطّع على شكل فراشة (كما في الصورة)

ملعقة صغيرة ونصف ملح

ملعقة صغيرة فلفل أسود 

ربع كوب زيت زيتون 

علبة حمّص معلّب مسلوق

ملعقتان كبيرتان عصير ليمون 

ملعقة كبيرة كزبرة خضراء مفرومة

طريقة العمل

1- تبّلي الدجاج بالملح والفلفل الأسود وزيت الزيتون.

2- ضعي الدجاج في صينية فرن.

3- أدخلي الصينية إلى فرن محمّى جيداً لمدّة 45 دقيقة.

4- أخرجي الصينية من الفرن وأضيفي إليها الحمّص.

5- أعيدي الصينية إلى الفرن لـ45 دقيقة جديدة.

6- أخرجي الدجاج من الفرن واسكبي فوقه عصير الليمون الحامض.

7- أنثري على وجه الطبق أوراق الكزبرة وقدّميه ساخناً.

سلطة السلمون المدخن والبطاطس بالمايونيز

سبق وقلت إن سمك السلمون من أكتر الأسماك اللي بحبها 

مش بس عشان طعمه المميز وإنما عشان فوايده الغذائية العالية

النهاردة قررت أجدد في سمك السلمون وأقدمه مدخن مع البطاطس بالمايونيز 

 

المكونات

200 جرام سلمون مدخن

200 جرام بطاطس صغيرة مسلوقة

كوب زبادي

3 ملعقة كبيرة مايونيز 

5 شرائح أنشوجة 

ربع ملعقة صغيرة ملح

ربع ملعقة صغيرة فلفل أسود

ملعقة كبيرة زيت زيتون

ملعقة كبيرة أوراق الشبت

الطريقة 

ترص شرائح السلمون المدخن في طبق التقديم

في وعاء تهرس شرائح الأنشوجة ويضاف إليها الزبادي والمايونيز وتتبل بالملح والفلفل الأسود وزيت الزيتون وتقلب جيدا

تضاف البطاطس لصوص المايونيز وتقلب جيدا

توضع البطاطس فوق شرائح السلمون المدخن وتزين بأوراق الشبت وتقدم 

سلطة التفاح والأوراق الخضراء

في ناس بتاكل سلطة في المناسبات .. وفي ناس وجبتها الأساسية بتتكون من سلطة وأي حاجة تانية جنبها 

أنا بقى من الناس التانية دي :)

ماقدرش يعدي عليا يوم في حياتي من غير طبق سلطة كبير 

وعشان كده بقيت بجرب فيها كتير وبتفنن في عمل سلطات جديدة ومختلفة دايما

سلطة النهاردة هي سلطة الأوراق الخضراء والتفاح 

الأوراق الخضراء غالبا بتكون مزيح من الخس والجرجير والبقدونس والسبانخ و بقلة الماء أو حتى نوع واحد أو نوعين منهم 

وأثبتت الدراسات الطبية الحديثة أن فيتامين "ب" وحمض الفوليك الموجودان بكثرة في الأوراق الخضراء كالخس والسبانخ والجرجير يساعدان في علاج حالات الاكتئاب.

حيث أكد الباحثون على أن نسبة حمض الفوليك الموجود بأجسام الأشخاص الذين يعانون الاكتئاب أقل بكثير من الأشخاص الذي لا يعانونه.

لذلك فطبق سلطة في اليوم قد يبعد عنك الاكتئاب تماما. 

سلطة التفاح والأوراق الخضراء

المقادير

3 أكواب من الأوراق الخضراء (خس وجرجير وبقلة الماء)

كوب تفاح مقطع مكعبات 

نصف كوب جوز

للتتبيل

ربع ملعقة صغيرة ملح

ربع ملعقة صغيرة فلفل إسود

ملعقة صغيرة خل

ملعقة صغيرة عسل أبيض

ملعقة صغيرة زيت نباتي 

نصف ملعقة صغيرة مستردة

الطريقة

ـ ترص مكونات السلطة في وعاء التقديم

ـ تخلط مكونات التتبيلة جيدا وتضاف للسلطة عند التقديم

شوربة القرع والعدس البني

الشتا يحب الشوربة .. معروفة 

فأنا أول ما الدنيا تبدأ تبرد بقضيها شوربات بقى 

شوربة النهاردة جديدة ومبتكرة 

افتكاسة يعني 

كنت جعانة والوقت متأخر ومش عارفة آكل ايه .. فبدأت لعبتي المفضلة ودخلت المطبخ وبدأت أشوف عندي ايه وينفع أعمل بيه ايه

كان عندي قرع وجزر وسبانخ وكان نفسي في الشوربة 

فقررت أعمل شوربة بالمكونات اللي عندي 

والحقيقة يعني الشوربة كانت جميلة جدا وطعمها لطيف وخفيفة 

وأنا كنت مبسوطة بيها جدا 

المكونات

بصلة مقطعة مكعبات كبيرة 

ملعقة زيت نباتي 

8 اكواب شوربة

كوب عدس بني (عدس بجبة)

2 جزرة كبيرة مقطعة حلقات 

3 أكواب مكعبات قرع 

3 أكواب أوراق سبانخ مغسولة 

2 مكعب مرقة دجاج

ملعقة كبيرة ملح

ملعقة صغيرة فلفل أسود

الطريقة 

في إناء عميق يوضع البصل والزيت النباتي ويقلب على النار حتى يذبل البصل

تضاف الشوربة ومكعبات المرق والعدس والجرز

تترك على النار حتى يبدأ العدس في النضج لمدة ربع ساعة تقريبا 

تضاف مكعبات القرع ويترك على النار لمدة 10 دقائق أخري

تتبل الشوربة بالملح والفلفل الأسود 

تضاف أوراق السبانخ ويغطى الإناء لمدة 5 دقائق

ترفع الشوربة من على النار وتقدم ساخنة مع الخبز

Bundt Cake

بحب الخبز 

أحيانا بصحى من النوم وكل اللي بفكر فيه الدقيق والزبدة والفانيليا وبجري زي المجنونة أدور على أي حاجة أعجنها 

ريحة الفانيليا وهي خارجة من الفرن بتحسسني بالحياة والدفا والونس 

     

والحالة دي جاتني من يومين 

فقررت أعمل الـ Bundt Cake

وأهم حاجة لازم نعرفها بخصوص الكيك إنه عشان ينجح ويطلع مظبوطلازم نلتزم تماما بالمقادير والطريقة 

 ولازم تلتزم بدرجة حرارة الفرن والوقت المطلوب للخبز وكل الملاحظات الموجودة في الوصفة عشان نعمل كيك مثالي

المهم بدأت بقياس المقادير 

كوب ونصف دقيق منخول 

ملعقة صغيرة بيكينج باودر وذرة ملح نضيفهم للدقيق

كوب سكر 

كوب زبدة في درجة حرارة الغرفة

5 بيضات كبيرة

ملعقة صغيرة خلاصة الفانيليا (أوكيس فانيليا) نضيفها للبيض ونخفقه بشوكة خفق خفيف 

ونشغل الفرن على درجة حرارة 180 مئوية 

ونبدأ عجن الكيك في وعاء عميق نضرب بالمضرب الكهربائي البيض والسكر حتى يصبح خفيفا وفاتح اللون لمدة عشر دقائق على سرعة متوسطة ودقيقتين على سرعة عالية

ده بيكون شكله عند بداية الضرب 

وبيتغير القوام وبيبقى بالشكل ده في الاخر 

ثم نضيف البيض والفانيليا تدريجيا ونخفق جيدا مع إنزال أي بقايا عالقة بجوانب الإناء.

بالمكسر على أقل سرعة نضيف خليط المواد الجافة تدريجيا ونخفق حتى يتجانس الخليط

بالشكل ده 

يدهن القالب بالزبدة ويغطي بطبقة خفيفة من الدقيق  وينقل الخليط في القالب ويسوى سطحه بهدوء

ندخل القالب إلى الفرن المسخن مسبقا ويخبز لمدة خمسون دقيقة أو حتى يخرج منها عود خشب رفيع بدون أي بقايا من العجين.

 ويترك القالب ليبرد على رف سلكي لمدة ساعة ثم تزال الكعكة من القالب وتبرد تماما قبل البدء قي تقطيعها.

تقدم الكيك مع صوص الفراولة أو الكريمة المخفوقة

المقادير

كوب زبدة في درجة حرارة الغرفة

كوب ونص دقيق منخول

نصف ملعقة صغيرة بيكينج باودر

كوب سكر 

فانيليا

خمس بيضات في درجة حرارة الغرفة مضروبين بخفة

رشة ملح

بالإضافة إلي كمية من الزبدة والدقيق لدهن القالب

الطريقة

1ـ يسخن الفرن على درجة حرارة 180مئوية

2ـ يدهن القالب بالزبدة ويغطي بطبقة خفيفة من الدقيق 

3ـ نقوم بمزج المكونات الجافة (الدقيق ـ الملح ـ مسحوق البيكينج باودر) في وعاء منفصل 

 4ـ في وعاء عميق آخر نضرب بالمضرب الكهربائي السكر والزبدة حتى يصبح خفيفا وفاتح اللون لمدة عشر دقائق على سرعة متوسطة ودقيقتين على سرعة عالية

ثم نضيف البيض والفانيليا تدريجيا ونخفق جيدا مع إنزال أي بقايا عالقة بجوانب الإناء.

 5ـ بالمكسر على أقل سرعة نضيف خليط المواد الجافة تدريجيا ونخفق حتى يتجانس الخليط

6ـ ينقل الخليط في القالب ويسوى سطحه بهدوء

7 ـ ندخل القالب إلى الفرن المسخن مسبقا ويخبز لمدة ستون دقيقة أو حتى يخرج منها عود خشب رفيع بدون أي بقايا من العجين.

 ويترك القالب ليبرد على رف سلكي لمدة ساعة ثم تزال الكعكة من القالب وتبرد تماما قبل البدء قي تقطيعها.

ملحوظة

من الممكن إضافة بعض أنواع الفواكة كالتوت والفراولة والموزللباوند كيك أو إضافة الفواكه المجففة كالزبيب أو المكسرات أو قطع الشيكولاتة الصغيرة. 

فقط تعفر بطبقة خفيفة من الدقيق وتضاف إلي العجين وتقلب بخفة بسباتولا مطاطية حتى تمتزج بالعجين ثم يخبز بالطريقة السابقة.

 وطبعا مش لازم ننسى المواعين اللي في الحوض 

Jamie Oliver's live Christmas Q&A.

النهاردة جالي نوتيفيكيشن على الفيس بوك إن في بث مباشر لجيمي أوليفر 

دخلت أشوف في ايه 

لقيت جيمي فاتح قدامه الكاميرا ووراه مكتبته الكبيرة المليانة بكتب الطبخ وبيرد على أسئلة الناس عن الكريسماس وتحضيراته 

والأسئلة تحولت لرسايل حب واعجاب من العالم كله

الحقيقة جيمي أوليفر من أكثر الشخصيات المحبوبة على مستوى العالم 

لطيف وعفوي وتلقائي وفاهم هو بيعمل ايه .. والأهم من كده إنه لما بيعمل حاجة بيعملها بحب 

البوست ده تحية وتقدير وإجلال وحب لجيمي أوليفر ولكل الحب والأمل اللي بيشعوا حواليه مكان ما يظهر ويشتغل سواء في برامجه أو كتبه أو مشاريعه المتعددة 

Love You Jamie 

فتة شاورما الدجاج

الشاورما واحد من الأكلات العربية الأصيلة اللي كلنا بنحبها .. الفتة كمان من الأكلات اللي مفيش بيت عربي مش متعلق بيها وبياكلها في كل المناسبات

ايه الحال بقى لو مزجنا بين الفتة والشاورما؟!!

النتيجة قنبلة طبعا من اللذة والطعم الحلو والاستمتاع  والإحساس  بالراحة والشبع .. اللي إخواتنا الأجانب بيقولوا عليه Comfort Food

 

أول حاجة لازم نجهزها في خلطة توابل الشاورما .. ودي أنا اعتمدت على صديقتي آسيا عثمان في تحضيرها لأن كتابها الجديد "من مطبخ آسيا" فيه طريقة عمل خلطة توابل الشاورما والبرياني والكبسة

 

المقادير لخلطة بهارات الشاورما 

ملعقة كبيرة ثوم مجفف

ملعقة كبيرة كسبرة مطحونة 

ملعقة كبيرة كمون مطحون

نصف ملعقة كبيرة بابريكا

ملعقة صغيرة جنزبيل مطحون 

ملعقة صغيرة كركم

ملعقة صغيرة فلفل إسود

نصف ملعقة صغيرة فلفل أبيض 

نصف ملعقة صغيرة فرنفل مطحون

نصف ملعقة صغيرة قرفة

نصف ملعقة صغيرة جوزة الطيب 

الطريقة

تخلط جميع التوابل وتطحن في مطحنة التوابل وتحفظ في برطمان زجاجي لمدة شهر في مكان بعيدا عن الحرارة والرطوبة

بعد ما نجهز خلطة الشاورما هانقطع صدور الفراخ لشرائح رقيقة جدا 

 

ونتبلها بخلطة توابل الشاورما ومعلقتين كبار زيت ومعلقة كبيرة سماق مطحون وملح زي ما نحب ونسيبها ساعتين عشان تتشرب من التتبيلة

ونبدأ نجهز الرز الأبيض

ناس كتير بتشتكي إن الرز بيطلع ناشف أو معجن ومش بيظبط معاهم 

أنا عايزة أقول لكل اللي مش بيظبطوا الرز يحفظوا الصورة دي 

لكل كباية رز كباية ونص مية من نفس المقاس ورشة ملح ومعلقة زيت

ماتنقعوش الرز ولو من نوع كويس ومضمون بلاش تغسلوه عشان يحتفظ بالنشا اللي فيه 

واعتمدوا على نظام العشر دقايق 

عشر دقايق على نار عالية .. عشر دقايق على نار هادية .. عشر دقايق متغطي ومتساب على نفس عين البتوجاز السخنة بعد ما تطفوها ودوقوا أحسن طبق رز 

نحمص العيش الأبيض في الفرن أونقليه لو مش بنخاف من الدهون 

نجهز الخضار اللي هانضيفه للشاورما 

الحقيقة الخطوة دي ناس كتير مش بتهتم بيها أو بتختصر وتسوي الخضار مع الفراخ أو اللحمة والنتيجة شاورما "صايصة" وقوامها غيرمتماسك وغير اللي بناكلها برا خالص 

أنا بجيب الخضار "بصل أبيض وفلفل أخضر وطماطم" وأقطعهم شرائح رقيقة وأتبلهم بملح وفلفل إسود ومعلقة زيت وأرصهم طبقة واحدة في صينية فرن بالشكل ده 

وأدخلهم الفرن لمدة تلت ساعة تقريبا وأخرجهم بالشكل ده 

أثناء وجود الخضار في الفرن هانعمل تتبيلة الخل والتوم 

5 فصوص توم مفرومين ونقلبهم في معلقة زيت ولما يبقى دهبي نطفيه بالخل 

ونبدأ بعد كده نسوي الشاورما 

هانسخن طاسة على النار ونضيف لها شرائح الفراخ المتبلة ونقلب لحد ماتستوي 

هاتاخد تقريبا 10 دقايق 

وبعدين نضيف لها الخضار اللي شويناه ومعلقة بقدونس ونقلب كويس ونرفعه من على النار 

ونبدأ نجهز لتجميع أحسن طبق فتة شاورما في الدنيا 

هانضيف الأول طبقة من العيش المحمص 

وفوقها معلقتين شوربة

وطبقة الرز الأبيض

وفوقها تتبيلة الخل والتوم 

وفي الأخر طبقة من الشاورما ولو نجب نزينها بالصنوبر المحمص 

المقادير 

للشاورما 

نصف كيلو صدور دجاج مقطع شرائح رقيقة 

2 ملعقة صغيرة بهارات الشاورما 

ملعقة صغيرة سماق 

نصف ملعقة صغيرة فلفل أسود 

ملعقة صغيرة ونصف ملح 

ربع كوب زيت نباتي 

ثمرة فلفل أخضر مقطعة شرائح رقيقة

ثمرة طماطم مقطعة شرائح رقيقة

بصلة متوسطة مقطعة شرائح رقيقة

ربع ملعقة صغيرة فلفل أسود 

ربع ملعقة صغيرة ملح 

ملعقة كبيرة زيت نباتي

2 ملعقة كبيرة بقدونس مفروم 

للأرز 

2 كوب أرز 

3 كوب ماء أو شوربة 

نصف ملعقة كبيرة ملح 

ملعقة كبيرة زيت نباتي 

لتتبيلة الخل والثوم

5 فصوص ثوم مفرومة 

ملعقة كبيرة زيت نباتي 

ربع كوب خل 

كوب إلا ربع ماء

للفتة 

3 أرغفة خبزعربي مقطع ومحمص

كوب شوربة ساخن 

3 ملاعق كبيرة صنوبر محمص 

الطريقة 

يتبل الدجاج ببهارات الشاورما والملح والفلفل الأسود والسماق ويضاف إليه الزيت ويقلب جيدا ويترك ليتشرب التتبيلة لمدة ساعة 

يوضغ البصل والفلفل الأخضر والطماطم في صينية فرن ويتبل بالملح والفلفل الأسود والزيت ويشوى في فرن حار لمدة 20 دقيقة

تسخن طاسة على النار ويوضع فيها الدجاج المتبل ويقلب لمدة 10 دقائق حتى ينضج ثم يضاف إليه الخضار المشوي والبقدونس ويقلب ويرفع من على النار 


أثناء تتبيل الشاورما نقوم بطبخ الأرز بطريقة العشر دقائق الموضحة سابقا

وكذلك نقوم بتجهيز تتبيلة الخل والثوم 

نضع الخبز المحمص في طبق التقديم ونقوم بسقيه بالشوربة ثم نضع عليه الأزر وتتبيلة الخل والثوم 

نضع الشاورما فوق الفتة ونزينها بالصنوبر المحمص 

وتقدم ساخنة